បុគ្គលិក​ស្ថានទូត​អ៊ីស្រាអែល​ពីរ​នាក់​ត្រូវ​បាន​បាញ់​សម្លាប់​នៅក្រុង​វ៉ាស៊ីនតោន​ សហរដ្ឋអាមេរិក

បុគ្គលិក​ស្ថានទូត​អ៊ីស្រាអែល​ពីរ​នាក់​ត្រូវ​បាន​បាញ់​សម្លាប់​ខាង​ក្រៅ​សារមន្ទីរ​ជ្វីហ្វ​នៅ​កណ្តាល​ក្រុង​វ៉ាស៊ីនតោន​ឌីស៊ី ដោយ​បុរស​ម្នាក់​ស្រែកដាក់ប៉ូលិស​ថា «ដោះលែង​ប៉ាឡេស្ទីន​ឱ្យមាន​សេរីភាព» បន្ទាប់​មកក៏វាយ​ប្រហាតែម្ដង។

ប៉ូលិស DC បាននិយាយថា ជនរងគ្រោះដែលជាគូស្នេហ៍វ័យក្មេង ត្រូវបានបាញ់សម្លាប់ ពេលចាកចេញពីព្រឹត្តិការណ៍មួយនៅឯសារមន្ទីរ Capital Jewish ដែលឧបទ្ទវហេតុនេះហាក់ដូចជាមានគោលដៅទុកជាមុន កាលពីម៉ោង 21:05 ម៉ោងក្នុងស្រុក (01:05 GMT) នៅក្នុងតំបន់ដែលមានកន្លែងទេសចរណ៍ សារមន្ទីរ និងអគាររដ្ឋាភិបាលជាច្រើន រួមទាំងការិយាល័យ FBI របស់ Washington ផងដែរ។

លោក Pamela Smith ប្រធាននាយកដ្ឋានប៉ូលីស Metropolitan បាននិយាយថា បន្ទាប់ពីជនសង្ស័យដែលត្រូវបានឃាត់ខ្លួនដោយអាជ្ញាធរបានបើកការបាញ់ប្រហារ គាត់បានដើរចូលទៅក្នុងសារមន្ទីរ ហើយត្រូវបានសន្តិសុខឃាត់ចាប់បាន។

លោក Chief Smith បាននិយាយនៅក្នុងសន្និសីទសារព័ត៌មានមួយថា ជនសង្ស័យឈ្មោះ Elias Rodriguez អាយុ 30 ឆ្នាំ រស់នៅទីក្រុង Chicago ត្រូវបានគេមើលឃើញថាកំពុងដើរនៅខាងក្រៅសារមន្ទី មុនពេលបើកការបាញ់ប្រហារទៅលើក្រុមមនុស្ស 4 នាក់ ដែលសម្លាប់ប្តីប្រពន្ធនេះ ៕