នាយករដ្ឋមន្ត្រីថៃដែលព្យួរដំណែងទៅសួរសុខទុក្ខទាហានដើរជាន់មីន

នាយករដ្ឋមន្ត្រី និងជារដ្ឋមន្ត្រីក្រសួងវប្បធម៌ លោក Paetongtarn Shinawatra អមដំណើរដោយឧត្តមសេនីយ៍ Nathpol Nakpanich អនុរដ្ឋមន្ត្រីក្រសួងការពារជាតិ បានទៅសួរសុខទុក្ខមន្ត្រីអនុរក្សដែលរងរបួសចំនួន៣នាក់ ដែលរងរបួសដោយសារគ្រាប់ផ្ទុះនៅតំបន់ព្រំដែននៃស្រុក Nam Yuen នៅមន្ទីរពេទ្យ Sapphasitprasong Army Camp ក្នុងខេត្ត Ubon Ratchathani កាលពីថ្ងៃទី១៨ ខែកក្កដា។

លោកនាយករដ្ឋមន្ត្រីបានកោតសរសើរចំពោះភាពក្លាហាន និងការលះបង់របស់យោធិនទាំងបី ដោយកត់សម្គាល់ថា យោធិនម្នាក់ៗទទួលបានការថែទាំយ៉ាងជិតស្និទ្ធពីក្រុមគ្រួសារ និងមានអារម្មណ៍មោទនភាពដែលបានចូលរួមការពារប្រទេសជាតិ និងថែរក្សាសន្តិភាពជូនប្រជាពលរដ្ឋនៅតំបន់នោះ។ រដ្ឋាភិបាលនឹងផ្តល់ការថែទាំ និងសំណងពេញលេញសម្រាប់ពួកគេ។

លោកស្រីក៏បានបង្ហើបឱ្យដឹងផងដែរដោយទទួលបានរបាយការណ៍ពីក្រសួងការពារជាតិថា ការស៊ើបអង្កេតកំពុងដំណើរការដើម្បីកំណត់ការពិតអំពីប្រភេទអាវុធជាតិផ្ទុះ ខណៈដែលប្រតិបត្តិការបន្ទាន់ដើម្បីបោសសម្អាតយុទ្ធភណ្ឌមិនទាន់ផ្ទុះនៅក្នុងតំបន់កំពុងត្រូវបានធ្វើឡើង។ រូបថតដោយ Chavalit Panyong